Окончание Литургии

Видехом Свет истинный,/ прияхом Духа Небеснаго,/ обретохом веру истинную,/ Нераздельней Троице покланяемся:/ Та бо нас спасла есть.

Аминь. Да исполнятся уста наша/ хваления Твоего, Господи,/ яко да поем славу Твою,/ яко сподобил еси нас причаститися/ Святым Твоим, Божественным, Безсмертным и Животворящим Тайнам;/ соблюди нас во Твоей святыни,/ весь день поучатися правде Твоей./Аллилуиа, аллилуиа, аллилуиа.